BoSkOtE*

Azkenean, kostata, baina urteko helburua lortu dudala esan daiteke. Mexiko aldetik nabil, junior mailako munduko txapelketetan parte hartzeko.

Munduko txapelketak, gaur, hilak 4 hasi dira. Gaurtik asteazkena bitartean pistako munduko txapelketak jokatuko dira eta ostegunetik igandera arte errepideko probak izango dira.

Aguascalienteseko hiriburuan ospatzen hari dira probak eta bertan 1800mtara gaudenez pasa den astean etorri ginen bertako altura eta orduetara egokitzeko. Honen bestez astebete daramat hemen nire seleziokideekin eta oraindik aste bat itxaron beharko dugu parte hartu ahal izateko.

Errepideko munduko txapelketak nesken erlojuz aurako probarekin emango die hasiera. 13km egin beharko dituzte. Bertan gure parte hartzailea Dorleta Zorrilla bizkaitarra izango dugu. Bere helburua Europako txapelketetan egindako erlojuz aurkakoa hobetzea izango da.

Errepidean, hilak 12, hiru ginen parte hartzaileak, baina atzo entrenatzen geundela eroriko baten ondorioz, Lucia Gonzalez asturiarra erori zen eskapula hautsiz. Dorletak eta nik ezin izan genuen erorikoa saihestu, hala ere, ondo gaude eta lasterketan parte hartzeko moduan gaude.

83km izango ditu lasterketak. 17kmko 5 itzuli bete beharko ditugu eta bertako helburua europako txapelketetan erakutsi genuen maila bikaina berriz ere erakustea izango da.

Lasterketa zihurrenik sprintean jokatuko da, izan ere, zirkuitoa ez da oso erabakiorra. Europako txapelketetan izan zen bezala, oraingoan, aurkariak antzekoak izango direla uste dugu. Bertan Italia eta Errusia gehien bat ziren faborito nagusiak. Oraingoan horiez gain, Australia, Zelanda Berria, E.E.B.B eta Alemania ere kontutan hartzekoak izango dira(Alemaniarrak ez ziren europako txapelketetara aurkeztu).

Nire aldetik, Lasterketa sprintean jokatuz gero, aukera handiak ditudala esaten didate guztiak europako txapelketan egindakoa errepikatu ahal izateko.

Bertan 5 postua lortu nuen. Zapore gazi-gozoa geratu zitzaidan sprint hartan, 3.postua lortzear nengoela, helmugatik 200mra katea atera eta abiadura handia galdu nuen. Azkenean bi posizio galdu eta 5.narekin konformatu behar izan nuen. Oso postu ona zela banekien, batez ere kontutan hartuz europa mailan nire lehen esperientzia zela jakinda, baina medaila hain gertu ikusten duzunean…

Horregatik ahalik eta egokien egoten saiatuko gara eta ea egia den jendeak dihoena eta bai niri eta bai nire taldekideari lasterketa zoragarri bat ateratzen zaigun.

Izenburuak dihoen bezala uztailaren 17tik 23 bitartean Espainiako selekzioa osatuz, Europako txapelketetan parte hartuko dut

.

Ekainaren 18tik 22ra arteSevillan aritu nintzen pistako selekzioarekin Alemaniarako postua lortu nahian, baina Espainiako maila bajua dela eta etxean geratuko nintzela esan zidaten.

Pena handiarekin Espainiako selekzioko taldekide batek Uztailaren 2tik 7ra Sierra Nevadara joango ginela esan zidan errepideko Europako txapelketak prestatzera. Beraz, berriz ere gogoz hartu nuen bizikleta eta ekaineko azken astean gogor entrenatzeari ekin nion Sierra Nevadan izango zen konzentrazioan ondo egoteko.

Aste honetan oso ondo aurkitu naiz eta egin dizkiguten probetan emaitza onak lortu ditudanez, Bulgariara doan taldearen barruan aurkitzen naizela jakinarzi didate Espainiako selekzioko selekzionadoreek.

Errepideko Europako txapelketak jubenil eta sub23 mailako txirrindularientzat izango da. Sub23 mailan, Jose Vicente Toribio (Gaztela la Mantxa), Ruben Martinez (Madril), Rafael Valls eta Jose Manuel Ballesta (Balentzia, Hector Gonzales (Kantabria), Sergio Dominguez (Murtzia) eta Carlos Delgado  (Nafarroa). Nesketan Ana Sanchis eta Silvia Tirado (Balentzia), Patricia Perez (Madril), Sara Ortiz (Kantabria) eta Mireia Epelde (Euskadi) izango dira parte hartuko dutenak.

Junior mailan berriz, Luis Mas eta Albert Torres (Baleareak), Victor Cavedo (Balentzia), Oscar Abad (Kantabria), Francisco Javier Moreno (Aragoi), Albert Nafría (Katalunia), Ion Aberasturi (Euskadi) eta Pablo Lechuga eta Roman Osuna (Andaluzia). Errepideko lasterketan 8 mutilek bakarrik parte har dezakete, beraz, Albert Torresek erlojuz aurkako proban bakarrik hartuko du parte. Gainera, Albert Uztailaren 11tik 15 bitartean Alemanian egongo da pistako Europako txapelketetan parte hartzen.  Erlojuz aurako proba Albert Torres, Lluis Mas eta Victor Cavedok egingo dute.

Nesketan hiru izango gara parte hartzaileak. Lucia Gonzalez asturriarra eta Dorleta Zorrilla eta ni Euskaditik. Hasiera batean Eider Mendizabal ere joatekoa zen, baina azkeneko hilabetean izan dituen arazoen ondorioz (eroriko baten ondorioz 7 puntu eman zizkioten hankan) ez da bere forma hoberenean iritsi eta etxean geratuko dela aitortu diote. Hala ere, oraindik Mexikon ospatuko diren Munduko txapelketetan parte hartzeko aukera izango du. Hortarako hilaren bukaeran izango diren Espainiako txapelketetan bere hobekuntza erakutsi beharko du.

Europako txapelketetatik etorri bezain laster junior mailako txirrindulariak, etxera iritsi gabe, Ondan (Kastellon) ospatuko diren Espainiako txapelketetan parte hartuko dugu. Uztailaren 26tik 29ra bitartean egingo dira txapelketak junior eta kadete mailako txirrindularientzat. Juiniorrak, 26 eta 27an hartzen dugu parte. 29an txapelketak bukatu bezain laster Europako txapelketen emaintzen arabera  Mexikora joango gara Munduko txapelketetan parte hartzera.

Ez da bat ere erraza Mexicorako bidaia lortzea baina Europako txapelketan ahalik eta hoberen egiten saiatuko gara bertara joateko. Mexicora uztailaren 29an dijo Espainiar selekzioa eta abuztuaren 13an itzuliko da.

Asteburu honetan, Espainiako emakumeen pelotoiak, bi lasterketa gogor izan ditu. Bi hauek, Nafarroan izan dira. Lehena Espainiako kopako puntuagarria Lizarran eta bigarrena Trofeo Euskal Herriarako puntuagarria Atallon.

Lizarrako lasterketa aurten ospatu da lehen aldiz eta bertakoak oso gustura geratu dira lasterketaren emaitzarekin. Bertan kadete mailakoek 48km bete behar zituzten, jubenilak 71km eta elite mailako txirrindulariak 105km bete behar zituzten. Lasterketan, aurreko astean Madrilgo lasterketan bezala, gonbidatu berezi bat genuen. T-mobile talde profesionaleko Oenone Wood Australiarra. Errenterian jarri du bere bizikileku berria, eta bertan dagoenez, gurekin parte hartzera erabaki du. Horrez gainera, Comunitat Valenciana taldeko nesken falta ere somatu da, hauek Tour d’Audde (Frantzian) korritzen baitzeuden.

Lasterketa hasi eta berehala ihesaldi saiakerak izan ziren baina haizearen ondorioz inork ez zuen lortu aurrrera joatera. Lizarratik Ancin herrira zijoan lasterketa handik Oco herrira eta Murietatik aurreko bidera itzuliz Lizarrara buelta. Lizarran pasa ondoren Iratxeko kanpinera zijoan lasterketa. 40.kman zegoen lasterketa iratxeko gainean eta momentu hori oso une erabakigarria izan zen, bertan puskatu baitzen lasterketa. Oenone Wood Australiarrak atakatu eta bakarrik ihes egitea lortu zuen beste guztiak atzean utziz. Saiakera ugari egon ziren atzeko taldean baina inork ez zuen lortu Australiarrarekin bat egitea. Takde horretan 3 jubenilek lortu zuten jarraitzea, Dorleta Zorrilla (Hotel Modus Vivendi), geroago irabazle izango zena, Irene San Sebastian Belca taldeko tolosarra eta Ane Santesteban Bruesa taldeko errenteriarra.

Nik ezin izan nuen talde horretan jarraitu eta iratxe gainean, pelotoia baino 20segundu atzerako iritsi nintzen. Ezinezkoa egin zitzaidan aurreko taldea hartzera eta 5km beranduago atzeko talde batek harrapatu ninduen, gero, talde horretan egin nuen lasterketa osoa. Azkenean helmugan azkarrena izatea lortu nuen nire taldetik eta 4. sartu nintzen jubenil mailari dagokionez.

Elite mailari dagokionez, Lezaungo mendatean, Maria Gallastegi (Debabarrena-kirolgi) ihes egitea lortu zuen. Ez zuen lortu inongo momentuan Oenone Woodekin bat egitea, honek geroz eta distantzia handiagoa ateratzen baitzien bere aurkariei baina hala ere, tropela atzean uztea lortu zuen fuerte dagoela erakutsiz.

Helmugan 3. Iosune Murillo izan zen (Bizkaia-Panda-Sofware) eta honekin Espainiako kopako lider jartzea lortu zuen. Iosunek 202 puntu ditu eta oso gertutik jarraitzen dio Alicia Palop (Odeco) 201 punturekin. Jubeniletan liderra Dorleta Zorrilla (Hotel Modus Vivendi) dugu besteenganako distantzia handiarekin, 327 puntu ditu hain zuzen ere. Ni hirugarren postuan nago 241rekin.

Kadete mailan Rocio Loureda (Klimanor) galiziarrak lortu zuen garaipena, bigarrena Tania Calvo (Michelin) gasteiztarra izan zen eta hirugarrena Ariadna Rambla (Animals del Monte) balentziarra izan zen. 4. Gloria Rodriguez (Roldan) kadete mailako liderra izan zen. 4.postu hau oso arraroa egin zitzaigun guztioi orain arte aurten lehiatu diren guztiak berak irabazi baititu.

Gaur goizean Trofeo Euskal Herriako 3.proba puntuagarria ospatu da. Gaurkoan atzo baino talde gutxiago izan dira, Euskaldunak ez direnak ez baitute puntuatzen, hala ere, gehiengoak parte hartu dute eta 100 txirrindulari inguru izan gara irteeran.

Lasteketa Atallon hasi, Nafarroa eta Gipuzkoako mugaraino jaitsi eta Azpiroz mendateko lehenengo kilometroraino igo behar genuen eta hortik berriro ere mugara jaisti eta Atallon bukatuko zuten kadete mailakoek. Jubenilek eta Elite mailakoak beste bira bat bete behar genuen.

Tropela batera joan da Azpirozeko mendatera arte. Bertan 15eko talde bat egin dugu eta talde hori izango zen gero helmugan garaipena jokatuko genuenak. Nik 6ko talde txiki batean geratu naiz 50mra baina jaitsieran nire taldekoak atzean utzi eta aurrekoak harrapatzea lortu dut. Asko sufrituta taldean jarraitu dut eta mugan buelta eman ondoren dena goraka zela jakinda taldean ahalik eta gehien irauten saiatu naiz. Oso gogorra egin arren Azpirozen berriro ere taldeak gurpiletik atera nau baina oraingoan aurreko itzulian baina gehiago zenez (150m inguru), izugarrizko lana egin behar izan dut aurrekoak harrapatzen. 10km kostatu zait aurrekoak harrapatzera baina harrapatutakoan helmugara gindoazenez, indarrak ahalik eta hobekien mantentzen saiatu naiz sprint finalean gailentzen saiatzeko.

Ihesaldi saiakerak ere izan dira, baina inork ez du lortu joatea, beraz, sprintean erabaki da lasterketa. Oso urrutitik jo du Leire Olaberria (Cespa-Eustrak) taldeko pistardak sprina eta Oenone Wood (T-mobile) beraren atzetik atera da nahiz eta ez lortu gainditzen. Haren atzetik Dorleta Zorrilla (Hotel Modus Vivendi) irten da baina nik nituen azkeneko indarrak berari gainditzen bukatu ditut, ondorioz jubenil mailan garaipena lortu dut. Helmugara ler eginda iritsi naiz eta lasteketa horren ondoren zegoen kronoigoera ez dut korritu ez bainintzen gai bizikleta gainean egoteko ere. Kadete mailan gaurkoan ere Rocio Louredak (klimanor) irabazi du.

.

Honen ondorioz, Trofeo Euskal Herriari dagokionez, Elite mailan Maria Gaillastegi (Debabarrena-kirolgi) dugu liderra, jubenil mailan 3tik 3 niretzako, beraz, lider jarraitzen dut eta kadete mailan Dorleta Escarmendi (Allerru) da lehena.

Kronoigoera ez zen puntuagarria eta parte hartzea ez zen beharrezkoa. Tropel erdia bakarrik irten da. Igoera Azkarate mendateraino zen eta 3kmko igoerra gogorrari ekin behar zioten txirrindulariak. Kadete mailan hirugarrena aste buru honetako Rocio Loureda (Klimanor) galiziarrarentzat, jubeniletan Dorleta Zorrilla (Hotel Modus Vivendi) izan da azkarrena eta elite mailan Ione Mugikak (Debabarrena-kirolgi) lortu du gailentzea.

Aurreko asteei dagokionez, pasa den astean Madriden izan genuen Espainiako kopako 5.puntuagarria eta bertan elite mailan Oenone Wood (T-mobile) izan zen azkarrena. Bigarrena Sara Ortiz (Fonorte) izan zen eta hirugarren Belen Lopez bizikleta.com taldeko kadiztarra izan zen. Jubenil mailan irabazlea Dorleta Zorrilla (Hotel Modus Vivendi) izan zen. Podimean Ane Santesteban (Bruesa) eta nik lagundu genion.

Orain dela bi aste Ordoñanan (Araban) izan genuen Trofeo Euskal Herriako 2.proba. Elitetan Gemma Pascual (Bizkaia-Panda-Software) izan zen garailea, jubeniletan ni eta kadete mailan Tania Calvo (Michelin).

Orain nire helburua Europako txapelketetara joatea da horretarako astero pistara joan behar naiz eta Leire Olaberriaren laguntzaz (Munduko txapelketan 5.) europako txapelketetarako prestatuko naiz. Oraingoz bai errepidean eta bai pistan aukerak ditut eta aukera horiek ondo aprobetxatu nahi ditut urte bukaeran nire helburuak bete ahal izateko.

Asteazkenean hasi eta atzo bukatu zen 23urtez azpiko mailako itzuliarik garrantzitsuena Espainia mailan. Bidasoako itzuliak lau etapa zituen. Lehenengoa Irun-Hendaia (129.5km), bigarrena Hendaia/ficoba-Igantzi (126.3km), hirrugarrena Hondarribia-Hondarribia (131.5km) eta azkena Irun-Irun (105.3km).

Proba honek izugarrizko maila du eta meritu harrigarria dute proba hau bukatzea lortzen duten txirindulariak. Bertan Espainia osoko talderik onenak hartzen dute parte eta horiez gainera, G.S.Unidelta italiarra, La Pomme Marseille eta Entente Sud Gascoine frantziarrak eta Lokosphinx-urbycolan errusiarra. Guztira 7 txirrindulariko 21 taldek osatzen zuten tropela.

Tropelean 4 goierritar genituen, 2 ordiziar, beasaindar bat eta ormaiztegitar bat. Ordiziarrak biak Azpiru-Ugarteko txirrindulariakk Pedro Jose Calvo eta Pedro Usabiaga genituen. Beasaindarra, hau ere Azpiru-Ugarte taldekoa, Julen Gonzalez genuen eta azkenik Ormaiztegiko Gorka Izagirre Seguros Bilbaoko txirrindularia azken egunera arte garaipenaren lehian aritu zena.

Aurtego edizio honek bere gogortasunaz gain beste faktore garrantzitsu bat ere izan du, beroa. Bero itzela izan dute lau egun hauetan eta honek proba oraindik ere gorragoa egin du.

Lehenengo etapan ihesaldi sahiakera asko izan ziren baina inork ez zuen lortu helmugara iristera. Azken kmetan sartuak zeudela Salvatore Mancuso italiarrak ihes egitea lortu zuen eta helmugara 7seguduko errentarekin iristea lortu zuen. Gurutze eta Meagaseko portuak igo behar zituzten txirrindulariak, hala ere, etapa nahiko laua zela esan daiteke besteekin alderatuz.

Bigarren etapa, etaparik garrantzitsuena, Hendaia eta Igantziren artean ezabaidatuko zen. La Piedad, Salidas, Gorostieta, Belate eta azkenik Igantziko herrira igo behar zuten. Hemen ere ihesaldi saiakera asko egon ziren baina inork ez zuen lortu helburua. 32 txirrindulariz osatutako taldetxo batek jokatu zuen garaipena eta garaipena Andres Aveli Antuña Wurth taldeko txirrindulariarentzat izan zen. Liderra talde honetan sartu zen beraz ez zuten lortu 7segunduko errenta hori gutxitzea.

Hirrugarren etapa Hondarribian hasi eta Hondarribian bukatzen zena, Ziga eta Jaizkibeleko portuak igotzen zituzten. Lasterketa hau oso azkarra izan zen. Lasterketako lehenengo orduan, 45.7!ko batazbestekoa egiteko lortu zuten. Honek probaren gogortasuna argi erakusten du. Zigako gainean faborito nagusiak beraien artean ondo zaindu ziren elkar eta batera igo zuten mendate osoa. Jaizkibeleko mendatean berriz etorri ziren erasorik garrantzitsuenak. Lehengoa proba egiten Fabricio Ferrari Azpiru-Ugarteko uruguayarra izan zen. Jaizkibeleko ia zati handiena egin zuen ihes eginda baina azkenean harrapatu egin zuten. Hector Gonzalez (Saunier Duval) ere ez zen geldirik egon eta hainbat eraso jo zituen. Manusoli liderrak ihesaldi guztiak kontrolatzen saiatu zen eta Jaizkibel goran berarekin zituen guztiak. Faboritoen taldetxo honetan, bi gipuzkoar genituen, Gorka Izagirre (Seguros Bilbao) ormaiztegiarra eta Altzoko Aitor Olano ( Bidelan-kirolgi). Gorkari azken metroak oso luzeak egin zitzaizkion eta 25segundo galdu zituen mendatearen gainean. Hala ere,ziklokrosak ematen dion teknikari esker jeitsiera ikusgarri bat egin zuen eta aurrekoak harrapatzea lortu zuen. Jaizkibeletik tropela helmugara zihoan eta Gorka ez zen gustora geratu harrapatzearekin bakarrik guztiak pasa eta irabaztea lortu baitzuen. Honekin Gorkak sailkapen nagusiko bigarren postuan jartzea lortu zuen.

Laugarren eta azkeneko etapa, oso etapa mugitua izango zela ikusten zen. Izan ere, 7 eta 20segundu bitartean 30 txirrindulari zeuden. Irun-Irun etapak guztietan motzena, 105km osatua zegoen eta Gurutze, Xoxoka eta Erlaitz igoko zuten Irungo Colom paseoan bukatzeko.

Erasoak etengabe aritu ziren egunean zehar baina Unideltako txirrindulariak ez zeuden prest lideratoa beste bati ematea eta gogor aritu ziren lanean hori ez gertatzeko. Azkeneko mendatea, Erlaitzekoa, %20ko alpadak zituen eta bertan zeinek erakutsiko zuen bere nagusitasuna ikusteko zegoen. 8 txirrindulari izan ziren honenen artean aritu zirenak. Bertan liderra, Mancuso, bere taldekidea, Monguzzi, Ferrari (Azpiru-Ugarte), Aitor Olano (Bidelan-kirolgi), Andrey Amador (Lizarte), Daniel Martin (La Pomme Marseille), Andres Aveli Antuña (Wurth) eta Hector Gonzalez (Saunier Duval) izan ziren. Gorka Izagirre ormaiztegiari oso gorra egin zitzaion Erlaitzeko portua eta helmugan 1.32 galdu zuen. Hala ere, txalotzekoa da 19 urte besterik ez dituen 0rmaiztegiar honen lasterketa.

Zortziko honetatik Monguzzi italiarrak, azken kilometroan, ihes egitea lortu zuen eta 7segundoko errentarekin iritsi zen helmugara. Bigarrena bere garaipena ospatuz Mancuso iritsi zen eta etapako hirugarrena Fabricio Ferrari izan zen.

Klasifikazio generalean, Mancuso (Unidelta) izan zen lehena, bigarrena Andrey Amador (lizarte) eta hirugarrena Cristiano Monguzzi (Unidelta) izan zen. Lehen Euskalduna, Aitor Olano (Bidelan-Kirolgi) izan zen 5 postuan. Gorka Izagire (Seguros Bilbao) 10.postuan geratu zen.

Beste goierritarren artean Pedro Usabiagak bakarrik lortu zuen proba amaitzea. 69.postuan sailatu zen.147 txirrindularik hartu zuten parte lehenengo etapan eta 85 bakarrik iritsi ziren helmugara. Honek garbi erakusten du proba honen gogortasuna.

Julen Gonzalez beasaindarra ere bikain aritu, baina azkeneko egunean, gurpileko erradio bat hautsi zuen eta erretiratu egin behar izan zuen.

Joan den asteburu honetan Espainiako kopako 4. proba puntuagarria ospatu zen. Alange (Merida), Callosa de Segura (Alicante) eta Sevilla ospatu ondoren oraingoan Torroella de Montgín (Girona) ospatzen zen. Bertan, bi proba ospatu ziren 3 kategorientzat, hau da, larunbatean erlojuaren aurkako proba izan genuen eta igandean karreterako lasterketa ospatu zen.

Txirrindulari guztiok, Delfin verdeko kanpinean geunden ostatuz beraz, erlojupekoa kanpineko sarrerako bidean egin zen. Guztira 9kmk osatzen zuten proba. Elite mailan, Ana Henestrosa (Costa Brava-Delfin verde) kataluniarra izan zen lehena. 13:11 behar izan zuen ibilbide osoa egiteko. Henestrosak etxeko taldeari garaipen ederra eskaini zion, izan ere, bigarren postuan Maribel Moreno (Comunitat Valenciana) espainiako txapeldun ordea sailkatu zen. Hirugarrena Rosario Rodriguez (Comunitat Valenciana) helmugaratu zen.

Junior mailan Dorleta Zorrilla (Hotel Modus Vivendi) balmasedatarra, Espainiako txapelduna duguna, izan zen garaile. 13:48n bete zituen ibilbidearen 9kmak eta denbora zoragarri honekin 8.sailkatu zen elite mailako neskekin parekatu ezkero. Bigarrena Eider Mendizabal (Azpiru Inmobiliaria) lasartearra izan zen. Lasartearrak 30seg galdu zituen eta bigarren postuarekin konformatu behar izan zuen. Hirugarrena Maria del Mar Bonnin balearra izan zen.

Katede mailan irabazlea Inma Moran (AEL) izan zen. Bigarrena Mercedes Manzanares (Monteoro) Ciudad Realgo neska izan zen eta 3. Pilar Martin (Comunitat Valenciana) izan zen.

Igandean berriz, karreterako proba ospatu zen. Elite mailako neskak 100km bete behar zituzten, junior mailakoak 87km eta kadeteak 62km. Lasterketa nahiko laua zen, baina lasterketa hau bereziki gogorra egin duena, bertan jotzen duen haizea da. Haizea eta azkeneko 5kmak goraka zirela jakinda, txirrindulariak helmugara ler eginda eta talde txikitan edo banan-banan iritsi ginela ikusteak ez digu bat ere harritu behar.

Elite mailan Agurtzane Elorriaga (Bizkaia-Panda) taldeko txirrindularia izan zen irabazlea. Karrera erdialdean bera bakarrik ihes egitea erabaki zuen eta lasterketan zehar 5 minuko errenta lortu bazuen ere, amaieran 1.53rekin iritsi zen helmugara. Bigarren posturako jokoan 5 neska iritsi ziren sprintean eta hauetan azkarrena Ana Belen Garcia (Comunitat Valenciana) izan zen. Hirugarrena Iosune Murillo (Bizkaia-Panda) izan zen. Talde honetan azkena sailkatu zena, Sara Ortiz kantabriarra izan zen eta honen bestez 23urtez azpiko sailkapeneko lehen postua mantentzea lortu zuen. 8.helmugan Rosario Rodriguez izan zen eta honek ere bere elite mailako lideratoari eustea lortu zuen bere aurkari nagusia Arantzazu Azpiroz, Bizkaia-Pandko berastegitarra, hamaikagarren postuan sartu baitzen helmugan.

Talde honetik oso gertu Dorleta Zorrilla izan genuen eta beraz, aurreko eguneko garaipena errepikatzea lortu zuen. Bigarrena Bruesa taldeko Ane Santesteban errenteriarra izan zen. Ondoren 4 neskak osatzen genuen talde bat iritsi ginen helmugara eta talde hortako lehena Catalina Rayo balearra izan zen, beraz, berarentzat izango zen 3. postua. Niri azkeneko metroak luzeegiak egin zitzaikidan eta 6.postuarekin konformatu izan behar nuen.

Junior mailako Espainiako kopako sailkapenari dagokionez, Dorleta Zorrilla dugu lider. Aurreko astean Sevillan irabazi ondoren lider jartzea lortu zuen eta atzoko garaipenak lehengo postuan finkatzeko aukera eman dio. Orain 207 puntu ditu eta 164rekin Maria Jose Gomez galiziarrak jarraitzen dio. Jubenil mailan oso parekatuak daude gauzak izan ere, lehenengo 7ak oso gertu baikaude. Hirugarrenak, Ane Santestebanek, 158 puntu ditu, Eider Mendizabalek 157, Lucia Gonzalez asturriarrak eta nik 5,postua partekatzen dugu 147 punturekin eta zazpigarren postuan Catalina Rayo dago 146 punturekin.

Kadete mailan ostera, 4tik 4 Gloria Rodriguez (Roldan) murtziarrarentzat. Lehenengo urtea izan arren kategorian bere nagusitasuna erakusten ari da. Bigarrena Rocio Loureda (klimanor) galiziarra izan zen eta hirugarrena helmugaratzen Blanca Martin izan genuen.

Urrengo proba puntuagarria maiatzaren 19an izango da Madriden. Euskaldun sariari dagokionez, urrengo lasterketa, maiatzaren 12an ospatuko da Salvatierran (Araba). Bertako liderra ni naiz Balmasedako lasterketa irabaztea lortu bainuen, beraz, lehengo postuari eusten saiatuko naiz, nahiz eta aste horretan azterketen ondorioz biziketa gutxi ikutu.

Pasa den astean apirilaren 5,6 eta 7an Espainiako pistako txapelketa ospatu zen junior mailan Chiclana de la Fronteran (Cadiz). Bertan 15 titulu zeuden jokoan. Hauetariko 9 mutilen esku zeuden eta beste 6ak nesken esku. Neskek puntuazioa, pertsekuzioa, scrtacha, abiadura, 500m eta keirin probak zituzten eta mutilek 6 hauez gain taldekako pertsekuzioa, taldekako abiadura eta madison frogak bete behar zituzten. Nik lau probatan hartu nuen parte 500m, scratch, abiadura eta keirina hain zuzen ere.

Txapelketari hasiera eman zion proba 200mko klasifikatoriak izan ziren gizoneko eta emakumezkoetan. Lehenik neskak hartu genuen parte eta 13.853 denborarekin lehenengo postuan sailkatzea lortu nuen. 2.postuan Esther Marin nafarra izan zen 14.024 denborarekin eta hirugarren Udane Sarasola asteasuarra izan zen 14.252 denborarekin.

Mutiletan azkarrena Rodrigo Bonilla madrildarra izan genuen 11.677 denborarekin, bigarrena David Alonso balearra izan zen 11.830 denborarekin eta 3.a Cristian Ortigosa valentziarra izan zen 12.125 denbora lortuz. Proba honetan 2 euskaldunek hartu zuten parte Mikel Gaiton eta Aritz Pagola hain zuzen ere. Lehengoak 12.379 egitea lortu zuen eta 5. sailkatu zen. Aritzek, berriz, 12.439 egin zuen eta 8.postuan sailkatzea lortu zuen. Kontutan harturik lehengo 8ak sailkatzen zirela abiadurarako bi euskaldunek zuten tokia final-zortzirenetan.

Ondoren emakumeen 500mak eta gizonekoen kilometroa ospatu ziren. Nesketan 3 urtez jarraian denborarik onena egitea lortu nuen. 40.481 egin nuen baita nire errekor pertsonala ere. Bigarren tokian berriz ere Esther Marin nafarra izan zen 41.269denborarekin eta hirugarren Leticia Galan Gaztela-Leongo neska 41.483rekin. Hau izan zen nire lehenengo titulua.

Geroago mutilek kilometroa egin zuten eta hauetan azkarrena David Alonso balearra izan zen 1.10.216 denborarekin. Bigarrena Rodrigo Bonilla izan zen 1.11.171 denborarekin eta brontzezko domina Kataluniara joan zen Carles Lapeñaren eskuetan 1.12.327 egin ondoren.

Eguna amaitzeko pertsekuzioak egin ziren. Nesketan denborarik onena Maria del Mar Bonnin balearrak lortu zuen 2.54.976 eginez. Bigarren Lucia Gonzalez asturiarra izan zen 2.56.100ekin. Bi hauek mutilek klasifikatoriak bukatu ondoren urrearen bila arituko ziren, finalean asturiarrak eraman zuen urrea eta 3 eta 4.postuen arteko leian Paloma Cornejo asturiarra eta Dorleta Zorrilla euskalduna haritu ziren. Euskaldunak eguneko bigarren medailarik gabe geratu behar izan genuen. Eider Mendizabal 5.postuan sailkatu zen eta Ane Santesteban 6.postuan.

Mutiletan lehena Lluis Mas balearrak lortu zuen eta bigarrena Albert Torres balearra izan zen. Hauek hurrengo egunean jokatuko zuten finala eta 3 eta 4 postuak Adrian Lopez murtziarrak eta David Gonzalez madrildarrak jokatuko zuten.

Nesken finalerako zain mutilek puntuazio froga izan zen eta Pablo Lechuga andaluziarra izan zen garailea. Podiumean Lluis Mas eta Juan Antonio Segovia valentziarrak lagundu zioten Lechugari.

Bigarren egunean mutilen pertsekuzio finalak eta abiaduren aurka egiteak ospatu ziren. Abiaduran neskak final laurdenetarako pasea lortu genuen, mutilek ordea ez zuten lortu sailkatzea eta 5.postutik 8.posturako finalerako sailkatu ziren. Emakumezkoen Sctracha ere ospatu zen. Bertan 3 euskaldunek hartu genuen parte Eider Mendizabal Dorleta Zorrilla eta nik. Lan zoragarri baten ondorioz azkeneko itzulian Dorleta Zorrillak niri garaipena esku-eskuan utzi zidan eta lan bikain horri amaiera emateko bera 2.postuan sartu zen helmugan. Eider 5.postuan klasifikatu zen. Taldekako pertsekuzioan euskaldunak 5.postuan sartu ziren eta taldekako abiaduran 8.postuan sailkatu ziren. Gizonezkoen scratchean Teofilo Jiménez murtziarra izan zen garaile bigarren Sergi Carrere kataluniarra eta hirugarren Adrian Lopez murtziarra.

Arratsaldean abiadurako finalak ospatu ziren. Lehenengo eta bigarren postuagatik Esther Marin eta ni geunden eta brontzeko medailaren jokoan Udane Sarasola eta Paloma Cornejo asturiarra. Bai Udanek eta bai nik ez genuen zailtasun handirik izan gure txandetan irabazteko beraz nik nire hirugrren titulua eta Udanek brontzea lortu genuen. Arratsaldea ondo bukatzeko nesken puntuazioa ospatu zen eta oraingoan ere emaitzak ezin hobeak izan ziren, izan ere Eiderrek urrea lortu zuen eta Dorletak zilarra.

Azkenik txapelketari amaiera emateko larunbat goizean, keirineko finalak ospatu ziren bai emakumezko eta bai gizonezkoetan baita madisona ere. Keirinean nire 4 titulua lortu nuen. Oraingoan ere bigarren Esther Marin nafarra izan zen eta hirugarrena Paloma Cornejo izan zen. Mutiletan lehena Rodrigo Bonilla izan zen, bigarren David Alonso eta hirugarrena Jesus Risueño valentziarra izan zen. Madisoneko proban Miguel Roselló eta Albert Torres, Ramon Domene eta Juan Antonio Segovia eta J.Gutierrez eta F.Villarroeren aurretik izan ziren.

Txapelketak amaituta euskaldunak izan ginen irabazleak domina-zerrendan 5 urre 2 zilar eta brontze batekin. Gero balearrak sailkatu ziren eta hirugarren 4 urre 4 zilar eta brontze batekin.

Atzoko arratsaldean jokatutako jardunaldiko gauzarik aipagarriena Sergi Escobarren brontzezko medaila izan zen. Persekuzioko brontzerako jokoan zegoen David Mountanerren aurka eta kataluniarra erraz gailendu zitzaion balearrari. Lehengoak 4.23.417an bete zituen 4km eta bigarrenak 4.29.536 behar izan zuen. Lehengo eta bigarren postuko lehian Bradley Wiggins britaniarra eta Robert Bartko alemaniarra aritu ziren, Wiggins gailendu zen Bartko doblatzea lortu ondoren.

Gizonezkoen taldekako abiadura ere korritu zuten. Proba hau emakumeena bezelakoa da baina itzuli bat gehiago eman behar diote belodromoari. Espainiarren aldetik Salvador Meliá, Alvaro Alonso eta Ruben Donetek hartu zuten parte eta 44.740 denborarekin 6.postu bikain bat lortu zuten. Oso pozik bukatu zuten saioa beraien helburua ondo bete baitzuten; historia osoan espainiar konbinatua behin bakarrik izan da gauza marka hori hobetzeko.

Arratsaldearein bukatzeko, oniumeko azken probak ospatu ziren, puntuazioa eta kilometroko proba. Vera 15.postuan sailtu zen.

Gaur goizean bigarren jardunaldiari ekin diote txirrindulariek eta gizonezkoen taldekako persekuzioetako klasifikatoriak, emakumeen abiadurako 200m-ko klasifikatoriak, emakumeen banakako persekuzioa, gizonen keirineko klasifikatoriak, emakumeen abiadurako aurka egiteak eta gizonen scratcha izan dira

.

Espainiar selezioan goiza nahiko garratza izan da, alde batetik Leire Olaberriak espainiako errekorra, gaurkora arte Gema Pascual madrildarraren esku zegoena, 27 milesimatan hobetzea lortu. 3.41.972an utzi du marka berria. Hala ere, nahiz eta errekorra lortu 16.postuan sailkatu da.

Baina goizeko dezepziorik handiena taldekako persekuzioarekin etorri da. 9.postua lortu dute Sergi Escobar, David Mountaner, Carles Torrent eta Asier Maeztuk. Hauen helburua, 4. edo 5. postuan sailkatzea zen eta nahiz eta proba hau aurretik ondo aztertua izan ez dute inondik ere beraien helburua betetzerik izan. Lehenengo 3km-ak nahiko ondo bete ditzute eta momentu hortara arte 4.postua zuten eskuan baina azken kilometroan Carles Torrentek ezin izan du taldean jarraitu eta Asier Maeztu atzean zihoala, ezin izan du inongo momentuan gurpila ondo hartu.

Emakumeen abiaduran, Helena Casas 18urteko kataluniar gazteak 200m-an 12.596 egin du. Ez du lortu bere errekorra hobetzera, 12.3 da bere erregistrorik hoberena. Hala ere, sailkatzea lortu 24.postua lortuz. Hamaseirenetako auka egitetan, denetan denbora hobea lortu duen Shoung Guo txinatarraren aurka aritu da eta txinatarra, gailentzeko faborita nagusienetako bat dela kontutan hartuz, errez nagusitu zaio.

Keirinean faborito nagusienetako bat Jose Antonio Escuredo dugu. Keirinean, motoa jartzen da lehengoa eta txirrindulariak (gehienez 6) atzean. Txirrindulariak toki egoki bat bilatu behar dute eta bitartean motoak abiadura handituko du. Klasifikatoriatan Escuredo arazorik gabe pasa da urrengo fasera, baina Hodei Mazkiaran 18 urteko alsasuar gazteak ezin izan du sailkatu zuzenean baina bigarren aukerarako sailkatu da. Oso kontutan izan behar da Hodeik, Helenaren antzera, lehengo urtea dutela elite mailan eta ezin hobeto ari direla beraien probetan. Hodeiri dagoen maila handiarenren ondorioz, bigarren aukeran aurkari bikainen aurka aritzea tokatu zaio, eta ohikoena Hodei 5.postuan sailkatza zen, baina lasterketa ezin hobea egin du Hodeik eta ez dio bildurrik izan ondoan munduko espezialista hoberenak izatea eta itzuli bat eta erdi falta zela atakatu eta metro batzuk jan dizkie besteei. Azkenean 2.postuan sailkatu da britainarraren atzetik eta ezin izan du urrengo fasera pasatu. Dena den, oso pozik egoteko arrazoiak ditu Hodeik espezialista hoberenen artean aritzeko aukera izan baitu baita batzuk irabazi ere.

Azkenik goizeko saioari amaiera emateko gizonezkoek scratch probari ekin diote, bertan Unai Elorriaga bizkaitarra izan da. 6.postu itzel batean sartu da helmugan ondorioz, gaur arratsaldean finalean izango dugu.

Martxoaren 29an hasi den eta apirilaren 1ean bukatuko den elite mailako munduko txapelketa hau Mallorcako Palma Arena belodromoan ospatuko da.

Bertan 5 euskaldunek hartuko dute parte. Gizonezkoetan Unai Elorriaga Cespa taldeko txirrindulari bizkaitarra, Asier Maeztu Bidelan taldeko donostiarra eta Hodei Mazkiaran Alsasuarra. Emakumezkoetan bi izango ditugu. Ainhoa Pagola Tolosa C.F taldeko tolosarra eta Leire Olaberria Cespa taldeko ikaztegietarra.

Asier eta Leirerentzat ez da beraien lehenengo munduko txapelketa izango. Bi hauek badakite zer den horrelako proba batean parte hartzea; beste hiruentzat, berriz, hau izango da lehenengo aldia.

Gizonekoen oniumeko 200m-ek ireki dute txapelketa. Michael D’Almeida frantziarra izan da garailea 10.278 denborarekin. Espainiarren artean Pedro José Vera izan da parte hartzailea eta 13.postuarekin geratu da 11.394 denborarekin..

Ondoren historian lehenengo aldiz ospatu den emakumezkoen taldekako velocidadea izan da. Proba honetan bi itzuli eman behar izan dituzte ahalik eta denbora gutxienean. Biak batera irten eta lehengo biraren ostean aurrean doan txirrindularia kendu eta gurpilean doanak emango du bigarren itzulia.

Proba honetan Ainhoak eta Leirek hartu dute parte. Ainhoak irteera ezin hobea egin du, Leireri gurpilean sartzeko zailtasun handiak jarriz, hala ere, 10. postu bikain bat lortu dute 36.354 denborarekin. Britainiarrentzat izan da lehengo postua 33.630 denborarekin.

Geroago goizeko oniumaren bigarren probari ekin diote txrrindulariak. Oraingoan scratch proba. Scratcha lasterketak ez du zailtasunik. Aurretik jarritako distantziaren arabera, hainbat itzuli bete beharko dituzte eta hauek bukatutakoan helmugan lehena pasatzen dena izango da garailea. Walter Fernando Perez argentinarra izan da garailea. Lehenengo 4 txirrindulariak tropelari itzuli bar hartzea lortu dute eta helmugan lau hauen artean jokatu dute lasterketa.

Scratch lasterketa amaitu bezain laster, gizonezkoen persekuzioetak serie klasifikatorioak ospatu dira. 4km-ko proba honetan txirrindularia bera bakarrik irtengo da eta distantzia ahalik eta denbora gutxienean bete beharko du. Faboritoen artean Sergi Escobar Kataluniarra genuen eta ez du huts egin. Kataluniarra 3.postua sailkatu da 4.20.501 denborarekin. Bradley Wiggins britaniarrak irabazi du 4.15.976 denborarekin. Bigarren sailkatua Robert Bartko izan da 4.20.487 denbor arekin. Sergi 14 ehunenengatik geratu da arratsaldean urrearen bila joateko aukerarik gabe. Aipatzekoa da ere 4. postuan sartu den Toni Tauler balearra 4.22.795 denborarekin. Beraz bi hauek arratsaldean brontzearengatik arituko dira, beraz, espainiar selekzioak dagoeneko badu domina bat bere esku.

Azkenik, lehengo eguneko goiza amaitzeko, oniumeko 3 proba izan dute txrrindulariek. Persekuzioa egin dute hauek ere.